Atletiko Madridi nuk ndalet vetëm me Edinson Kavanin. Sipas “Sky Sport Italia”, “Los Colchoneros” duan të transferojnë mesfushorin serb të “Djajve të Kuq” Nemanja Matiç. 31-vjeçari gati është “zhdukur” nga fusha në sezonin e fundit duke e lënë në stol nga tekniku Ole Gunar Solskjaer.
Duke parë zhgënjimin e madh dhe situatën e vështirë që po kalon, Matiç mund të vendosë që të ndërrojë destinacion. Por, shërbimet e tij i dëshiron dhe Interi. Tekniku i zikaltërve Antonio Konte e dëshiron Matiçin me të cilin fitoi titullin kampion me Çelsin në sezonin 2016-2017.
Sipas “Sky Sport Italy”, bardhekuqtë madrilenë kanë arritur akordin me sulmuesin uruguajan të PSG-së Edinson Kavanin për të ardhur në Spanjë në verën e 2020.