Arsenali do të kërkojë të vijë në binarë për top katërshe në Premierligë në një duel të drejtpërdrejt sot me klubin që mban pozitën e katërt, Chelsea, në përpjekje për ta siguruar pjesëmarrjen në Ligën e Kampionëve sezonin e ardhshëm.
Skuadra e Mikel Artetës, për të cilin do të jetë testi i parë serioz pas emërimit trajner i “Topçinjve” këtë muaj, e pret Chelsean në Emirates Stadium, duke e ditur se vetëm fitorja do t’ia mbajë gjallë shpresat për top katërshe.
Pas 19 ndeshjeve deri tani këtë sezon, Arsenali ngel tetë pikë prapa Chelseat, por një fitore e mundshme sot pasdite do ta afronte klubit nga Londra Veriore në vetëm pesë pikë pranë rivalit të kaltër.
Arsenali e ka fituar vetëm një nga 11 ndeshjet e fundit në ligë, duke i humbur katra dhe duke barazuar në gjashtë të tjera.
Por, inkurajues për skuadrën e Artetës është fakti se nuk ka humbur në gjashtë ndeshjet e fundit në Emirates kundër Chelseat.
Chelsea i Frank Lampard, në anën tjetër, vjen në një formë të dobët, pasi i ka humbur tri nga pesë ndeshjet e fundit, duke i lejuar skuadrat tjera t’i afrohen shumë pranë dhe t’ia rrezikojnë pozitën e katërt.
Granit Xhaka nuk është fare pjesë e skuadrës së Arsenalit, ndërkohë që Shkodran Mustafi është lënë në stol.
LIVE/ Arsenal – Chelsea 1-2
MINUTA 87/ Chelsea kalon në avantazh me golin e shënuar nga Tammy Abraham.
MINUTA 85/ Chelsea barazon shifrat me golin e shënuar nga Jorginho me ndërhyrjen e VAR.
***
Mbyllet pjesa e parë
MINUTA 13/ Arsenal kalon në avantazh me golin e shënuar nga Pierre-Emerick Aubameyang.
MINUTA 1/ Nis sfida