Milani po vlerëson drejtorin sportiv të Atalantës, Xhiovani Sartori për ta afruar për sezonin e ardhshëm.
Milani afroi Riki Masarën në verë, për t’i besuar çelësat e drejtorit sportiv në klubin kuqezi, i cili kishte si strategji afrimin e lojtarëve të rinj.
Afrimet ishin kryesisht poshtë moshës 25 vjeç, si Hernandez, Benaser, Leao, Duarte, Kruniç dhe Rebiç. Megjithatë rezultatet kanë treguar se jo të gjithë kanë shkëlqyer me ekipin.
Sipas asaj që shkruan “Tuttomercatoweb”, Milani tashmë po ndjek drejtorin sportiv të Atalanës, Xhiovani Sartori, për sezonin e ardhshëm.
Thuhet se kuqezinjtë po ndjekin me kujdes situatën e Sartorit te Atalanta, dhe këta të fundit kanë nisur të shikojnë për zëvendësuesin e tij.
