Zlatan Ibrahimoviç sapo ka mbërritur në Milano. Shtatlarti suedez do të luajë për “Djallin” që nga viti 2020.
Sapo ka vendosur këmbën në qytetin italian, suedezi tha fjalët e para si futbollist kuqezi duke deklaruar se do të luftojë deri në fund për të ndryshuar rrjedhën e gabuar të sezonit të 7-herë kampionëve të Europës.
“U ktheva te një klub që e respektoj jashtëzakonisht shumë dhe këtë qytet e adhuroj pa fund. Do të luftoj bashkë me shokët e skuadrës për të ndryshuar rrjedhën e sezonit dhe do të bëjmë gjithçka për të përmbushur objektivat tona”, flet 38-vjeçari.
Mësohet se Ibrahimoviç do të mbajë fanelën me numrin 11, duke mos ndryshuar gjë nga para 7 viteve të fundit.
Pas pak do të bëhet dhe prezantimi i tij si futbollist i Milanit.
