Real Madridi i kushton shumë rëndësi afrimeve të talenteve në ekip, të cilët pritet të shpërthejnë në të ardhmen.
Mjafton të kujtojmë këtu Vinisius, Rodrigo, Odegard, Valverde, apo edhe disa të tjerë, të cilët janë afruar te madrilenët, si lojtarë që premtojnë shumë për të ardhmen.
Tregu brazilian është një nga të preferuarit për drejtuesit e Realit, të cilët ndjekin futbollistë të ndryshëm aty për t’i afruar më pas në ekipin e tyre. Së fundmi madrilenët kanë pikëtuar talentin brazilian, Reinier Karvalho, i cili aktivizohet me Flamengon.
Futbollisti ka treguar një formë të shkëlqyer në vendin e tij, dhe tashmë ka kaluar në orbitën e Realit, të cilët në të ardhmen mund të nisin një ofertë në drejtim të klubit brazilian, për ta marrë Reinier në ekipin e tyre.