Verder Bremeni po pëson një nga humbjet më të rënda në vitet e fundit.
Si të mos mjaftonin 6 golat e pësuar në përballjen me Bajernin në fundjavë, skuadra me të ciliën luan dhe ylli i Kosovës Milot Rashica ka pësuar 4 gola nga Mainzi në kuadër të kampionatit gjerman.
Për ta rënduar më keq gjendjen kaotike që po kalon ekipi, Verderi i ka pësuar të katërta golat për 38 minutat. Megjithëse shënoi një gol fantastik që u vlerësua në të gjitha mediat e huaja, Rashica sot duket totalisht jashtë “orbite” për të luajtur.
Faqja zyrtare e Verder Bremenit ka mbetur e shokuar nga ky rezultat skandaloz, aq sa nuk ka mundur të gjejë fjalë për ta shprehur.
Me humbjen e sotme, Verderi po i afrohet gjithmonë e më shumë zonës së ftohtë të rënies nga Bundesliga gjermane.