Lioni u shortua me Juventusin në fazën e 1/8-ve në Ligën e Kampionëve, një kundërshtar shumë i vështirë për ekipin francez.
Më të vështirë për Lionin e bëjnë edhe dëmtimet, me lojtarin më të mirë Memfis Depai, që do të mungojë rreth 6 muaj pikërisht për shkak të dëmtimit.
Të ndodhur në këtë situatë, drejtuesit e klubit kanë filluar të mendojnë për merkaton e janarit dhe afrimet që do të bëjnë në ekip.
Sipas asaj që shkruan “Le Parisien”, drejtuesit kanë pikëtuar tre lojtarë për merkaton e ardhshme. Bëhet fjalë për Stiven Zonzi, Lukas Dinje dhe Tomas Lemar.
Të tre këta futbollistë shihet si të duhurit për ekipin e drejtuar nga Rudi Garsia dhe do të tentojnë t’i afrojnë në merkaton e janarit.
Tre futbollistë me përvojë të madhe, të cilët do t’i jepnin një ndihmesë të madhe Lionit, për të arritur objektivat e vendosura nga klubi.