Erling Haland është një nga lojtarët më të kërkuar të momentit. Sulmuesi i Salcburgut, po bën një sezon fantastik dhe po kërkohet nga shumë klube europiane.
Reali, Junajtid, Milan dhe Juventus janë ekipet që po interesohen konkretisht për norvegjezin. Edhe pse ditën e djeshme qarkulloi lajmi që Milani po futet në garë për shërbimet e lojtarit, Junajtid duket se ka avancuar në bisedime.
Siç raportohet nga mediat norvegjeze, Haland duket se ka zgjedhur Junajtid për të vazhduar karrierën.
Sulmuesi do të niset drejt Anglisë për të biseduar me klubin e Mançesterit, që në janar të mbyllet transferimi i shumë përfolur.
