Janë mbyllur para pak minutash 5 ndeshjet e Premier Ligës, të vlefshme për xhiorn e 19-të në këtë kampionat.
Mikel Arteta e ka nisur me barazim aventurën e tij si trajner te Arsenali, me këta të fundit që nuk shkuan më shumë se barazimi 1-1 ndaj Burnmëthit në transfertë. Ishin vendasit që kaluan të parët në avantazh me Gosling, i cili realizoi në minutën e 35’.
Megjithatë shifrat u barazuan nga Obamejang në minutën e 64’. “Topoçinjtë” provuan disa herë të gjenin golin e fitores, por pa sukses pasi vendasit mbroheshin shumë mirë.
Ndërkohë me fitore ka nisur avantura e Ançelotit në drejtimin e Evertonit, teksa kanë triumfuar në shtëpi ndaj Bernleit me rezultatin 1-0. Ishte Klavert-Levin që realizoi një gol shumë të bukur me kokë në minutën e 80’, duke i dhënë kështu një fitore shumë të rëndësishme ekipit të tij.
Ka zhgënjyer në shtëpi Çelsi, të cilët janë mposhtur me rezultatin 0-2 Sauthemptoni. Obafemi në minutën e 31’ dhe Redmond në minutën e 73’, i shkaktuan humbjen e 7-të ekipit të Lampard këtë sezon.
Ndërkohë në ndeshjet e tjera, Aston Vila ka mposhtur me rezultatin 1-0 Noruiçin, Kristal Palasi ka fituar 2-1 ndaj Uest Hemit, ndërsa Shefilldi dhe Uatfordi 1-1.
