Mario Baloteli do të largohet nga Bresha pas vetëm një sezon dhe e ardhmja e tij mund të jetë në Greqi.
Aris i Selanikut prej kohësh është në kërkim të një sulmuesi dhe së fundmi po ndjek me kujdes lojtarin italian. Baloteli do të jetë një lojtar i lirë pas përfundimit të sezonit dhe po kërkon një skuadër për të vazhduar karrierën.
Sipas asaj që shkruan “sportime.gr”, duke përfituar nga situata e krijuar, Arisi do përpiqet ta afrojë Balotelin në ekip. Kujtojmë se klubi nga Selaniku ka shfaqur interes edhe për Armando Sadikun, i cili mbylli aventurën me Malagan dhe do të kthehet te Levante.
