Spali po kalon një periudhë të vështirë këtë sezon, teksa pas humbjes së sotme ndaj Breshas, tashmë renditen në vendin e fundit me vetëm 9 pikë.
Pikërisht nga kjo mund ta pësojë trajneri Leonardo Sempliçi, i cili mund të shkarkohet nga drejtimi i ekipit.
Sipas mediave italiane trajneri rrezikon shumë shkarkimin, dhe drejtuesit kanë filluar të mendojnë për zëvendësuesin e tij. Një nga trajnerët që pëlqehet shumë nga drejtuesit e Spalit është Xhani De Biasi, i cili aktualisht është i papunë.
Sempliçi pritet të ketë edhe një mundësi për ndeshjen e radhës, por në rast se ai dështon të marrë një rezultat pozitiv, atëherë shanset që ai të shkarkohet janë të mëdha dhe vendin e tij mund ta marrë pikërisht De Biasi.
