Rikthimi i yllit të futbollit Zlatan Ibrahimoviç te Milani pas 7 vitesh ka gëzuar shumë dhe ish-“bomberin” kuqezi Erjon Bogdani.
Golashënuesi më i mirë i kombëtares së Shqipërisë përshëndet ardhjen shtatlartit suedez duke iu drejtuar me një foto nga “Instagrami”.
“Mirë se u ktheve, kampion!”, shkruan Bogdani për Ibrahimoviçin duke e vendosur mesazhin si diçiturë të fotos kur luanin dikur njëri për Milanin dhe tjetri për Çezenën.
Si suedezi ashtu dhe Bogdani u aktivizuan më së shumti gjatë karrierës së tyre në Itali, ku jo pak herë janë përballur me njëri-tjetrin. Për një ikonë dhe kampion si Ibrahimoviç, fjalët janë të pakta.
Rikthimi i “Ibracadabras” në “San Siro” ka gëzuar pa masë jo vetëm tifozët e Milanit, por dhe shumë adhurues të 38-vjeçarit.
