Anthony Joshua triumfoi në “rematchin” ndaj Andy Ruiz Jr, duke u rikthyer Kampion gjashtë muaj pas humbjes. Tashmë që përballja ndaj Ruiz u mbyll, boksieri britanik duhet të mendojë për kundërshtarin e ardhshëm.
Joshua ka 180 ditë kohë për të rregulluar ndeshjen e radhës. Sipas gjasave sfidanti i radhës për kampionin do të jetë Oleksandr Usyk. Ukrainasi ka 17 ndeshje në karrierën e tij, ku njeh vetëm fitore, 13 prej tyre me KO. Së fundmi, Usyk bëri dhe debutimin në peshat e rënda, ku triumfoi në Chigago pas 7 raundesh ndaj Cheazz Whitherspoon.