Futboll Seria A Sport

VAZHDON EPËRSINË E FITOREVE/ “Demi” Martinez mposht Spal me dopietë dhe ngjit “Zikaltërit” në krye

Interi ka mposhtur 2-1 SPAL dhe është ngjitur në krye të Serie A. pas barazimit të Juventusit, skuadra e Contes kishte mundësinë që më në fund të merrte kreun e klasifikimit dhe nuk e ka shpërdoruar këtë mundësi të artë. Zikaltrit kanë një pike avantazh ndaj Juves.

Interi ne nisi me intensitet ndeshjen përpara mbi 60,000 tifozëve të pranishëm në San Siro. Lautaro Martinez ka shënuar golin e avantazhit në minutën e 16’ për vendasit. Sulmuesi argjentinas ka lëvizur mire përpara se të lëshonte një goditje të hidhur me të djathtën duke mposhtur Berishën, I cili mund të kishte bërë më mire.

Zikaltrit vazhdojnë me të njëjtin ritëm dhe minutën e 41’ kanë shënuar golin e dytë të takimit dhe ishte përsëri Martinez. Këtë here ai ka shfrytëzuar më së miri një kros nga e djathta nga Candreva duke dërguar topin në rrjetë me një goditje me kokë.

Pas pushimit SPAL vendos të rihapë gjithçka duke gjetur golin e pare me Valorin. Lojtari i miqve ka dribluar tre kundërshtarë përpara se të mposhtte edhe Handanovic. Megjithatë Interi ruajti qetësinë dhe mbajti kontrollin e sfidës, megjithëse nuk arriti të shënonte golin e sigurisë.

Related posts

Merkato/ Roma ofron Defrel në këmbim të Sansones

Q.Autor

MERKATO E JANARIT/ Reali e sheh zgjedhjen për sulmin tek Edin Dzeko

Isa.Autor

SYNON PËRFORCIME TË MËDHA NË VERË/ Juventus nxjerr në shitje dy lojtarë, kthen sytë nga klubi i Premier…

Delo.autor

Leave a Comment