Manchester City ka bërë një seancë të shkëlqyer stërvitore ndaj Aston Villa-s në ndeshjen e javës së 22-të të Premier League teksa ka fituar në “Villa Stadium” me rezultatin 6-1.
Sergio Aguero ishte lojtari i ndeshjes me tripletën e 12-të në Premier League, duke kaluar Thierry Henry në renditjen e golashënuesve më të mirë të huaj në historinë e këtij kompeticioni.
Riyad Mahrez ka shënuar golin e avantazhit pas 18 minutave lojë, aty filloi rënia e vendasve.
Pak më vonë algjeriani ka dyfishuar përpara se Sergio Aguero të shënonte të tretin, dhe të parin personal.
Gabriel Jesus ka shënuar golin e pokerit në fund të pjesës së parë. City e nisi të dytën me të njëjtin vrull dhe dy gola të tjerë të Aguero-s kanë shtuar dhimbjet e tifozëve vendas, shumica e të cilëve janë larguar pas një ore lojë.
Aguero ka shënuar 177 gola në Premie League, duke kaluar Thierry Henry, të vetmin jo-anglez që i kishte mbetur përpara. Tani argjentinasi ka po aq gola sa Frank Lampard.
Në fund të takimit El-Ghazi ka shënuar golin e nderit nga pika e bardhë e penalltisë.