Të martën e datës 21 janar do të rifillojë Kategoria Superiore, teksa do të luhen 3 sfidat e vlefshme për javën e 18-të.
Vllaznia-Flamurtari do të jetë sfida që do të ngrejë siparin e fazës së tretë. Ky takim është planifikuar të zhvillohet në orën 14:00, në stadiumin “Loro Boriçi”. Pasditja e 21 janarit do të kulmojë me 2 supersfida. Bëhet fjalë për përballjen mes Skënderbeut dhe Partizanit si dhe ajo mes Teutës dhe Laçit.
Kjo javë e 18-të, do të përmbyllet ditën e mërkurë, pra në 22 janar, ku janë planifikuar të zhvillohen edhe 2 sfidat e tjera, ajo mes Luftëtarit dhe Kukësit, që do të startojë në orën 14:00, si dhe Tirana-Bylisi, që do të zhvillohet në orën 17:00, në “Selman Stërmasi”. Kjo do të jetë dhe sfida që do të ulë siparin e javës së 18-të.
TË MARTËN, 21 JANAR
Vllaznia-Flamurtari 14:00
Skënderbeu-Partizani 17:00
Teuta-Laçi 17:00
TË MËRKURËN, 22 JANAR
Luftëtari-Kukësi 14:00
Tirana-Bylisi 17:00