Interi ka dështuar të fitojë edhe ditën e sotme në kampionat, teksa nuk ka shkuar më shumë se barazimi 1-1 ndaj Kaljarit në shtëpi.
Ndeshja nisi mirë për zikaltërit, të cilët që në fillim u hodhën në sulm për të gjetur golin e avantazhit. Pikërisht atë e gjetën në minutën e 29’, kur Lautaro Martinez ia doli të shfrytëzojë shumë mirë një krosim të marrë nga Eshli Jang dhe e dërgoi topin në rrjetë.
Me këtë këtë rezultat u mbyll edhe pjesa e parë, ndërsa pjesa e dytë ishte ndryshe për miqtë. Kaljari u hodh në sulm për të gjetur golin e barazimit, duke tentuar disa herë, por pa ia dalë me sukses.
Atë që nuk bënë sulmuesit në zonë, e bëri Naingolan nga jashtë, teksa me një gjuajtje shumë të bukur nga jashtë zonës ia doli ta dërgojë topin në rrjetë, duke mos i dhënë asnjë mundësi Handanoviçit.
Pas kësaj lojtarët e Interit tentuan të gjenin avantazhin, por pa sukses pasi miqtë mbroheshin mirë prapa.
Me këtë barazim, Interi i jep një “asist” të mirë Juventusit, për tu shkëputur akoma më shumë dhe gjithashtu i jep mundësinë Lacios për ta barazuar me pikë. Ekipi i Kontes nuk njeh fitore në kampionat prej 3 ndeshjes, teksa kanë grumbulluar vetëm 3 barazime radhazi.