Lancinet Sidibe tashmë edhe zyrtarisht është një lojtar i Tiranës. Mesfushori është prezantuar ditën e sotme në ambientet e klubit dhe do të jetë një forcë e shtuar për trajnerin Egbo, për fazën e mbetur të kampionatit.
Lajmi për Sidibe te Tirana qarkullonte prej ditësh, pasi marrëveshja ishte arritur, por vetëm sitën e sotme ka ardhur zyrtarizimi nga klubi kryeqytetas. 23-vjeçari e njeh mirë Kategorinë Superiore, pasi më parë ka luajtur edhe për Teutën dhe Flamurtarin.
Mesfushori vjen nga Besa dhe prej kohësh emri i tij qarkullonte te Skënderbeu, por marrëveshja me korçarët nuk u arrit dhe ai tashmë do të vazhdojë karrierën te Tirana.
