Inter duket se do ta harrojë shpejt hapin fals ndaj Lecces pasditen e djeshme, pasi zikaltrit janë drejt mbylljes së marrëveshjes sa i përket transferimi të Christian Eriksen. Goditja e madhe e klubit nga “San Siro” pritet që të prezantohet brenda kësaj jave.
Në 48 orët e ardhshme do të marrë fund gjithçka, me Tottenham dhe Inter, që pritet të bien dakord për shumën e 18 milionë eurove. Eriksen nga ana tjetër do të shndërrohet në një ndër më të paguarit në ekipin zikaltër dhe do të prezantohet përpara ndeshjes së fundjavës që Inter luan ndaj Cagliarit.