Dritë në fund të “tunelit” për Luftëtarin. Ditën e sotme në klubin gjirokastrit ka mbërritur një email nga FIFA në lidhje me futbollistin Marko Aurelio.
Për shkak të disa problemeve me pagesat, klubit gjirokastrit i ishte bllokuar merkatoja, ndërkohë që ditën e sotme, Luftëtari ka marrë lajmin e madh për federimin e lojtarëve, pasi merkatoja është zhbllokuar.
“Panorama Sport”, ka arritur të sigurojë edhe dokumentin e mbërritur nga FIFA në lidhje me këtë çështje ku raportohet zhbllokimi i merkatos.
“Rrjedhimisht, dëshirojmë të informojmë klubin e Luftëtarit se bllokimi i merkatos, i sanksionuar sipas linjës 7, nga ky moment hiqet. Së fundmi, dëshirojmë t’u bëjmë me dije të dyja palëve se do të procedojmë me mbylljen e çështjes. Me respekt, Dhoma e Zgjidhjes së Konflikteve”, shkruhet në dokument.
