Partnerja e Kristiano Ronaldos Xhorxhina Rodrigez rrëfen emocionet e të jetuarit me yllin portugez të Juventusit.
Në një intervistë të fundit, njëra prej 10 prezantuesve të festivalit italian të muzikës “Sanremo” tregon se dridhej nga emocionet kur u takua për herë të parë me 34-vjeçarin. Ndër të tjera Xhorxhina Rodrigez e konsideron Ronaldon si futbollistin më të mirë të të gjitha kohërave duke shprehur adhurim për sakrificën dhe përkushtimin e tij ndaj futbollit.
“Kur e kam parë për herë të parë, dridhesha nga emocionet. Jam me fat që jam partnerja e futbollistit më të mirë. Ai nuk ka asnjë rival. Kur hyn në fushë, është i vetmi që më entuziazmon. Të dy punojmë fort për të marrë atë çfarë duam dhe të mësojmë fëmijët tanë. Sakrificë, disiplinë, përgjegjshmëri janë vlera që duam t’ua transmetojmë atyre çdo ditë.
