Arsenali ka fituar minimalisht 1-0 kundër Leeds në ndeshjen e vlefshme për FA Cup. Një ndeshje e vështirë për të besuarit e Artetës që viheshin përballë kryesuesve të Championshipit. Numri një i vendasve nuk kishte bërë shumë ndryshime, pasi preferoi të aktivizonte një pjesë të mirë të titullarëve.
Marcelo Bielsa aktivizoi ekipin e parë për të surprizuar “Topçinjtë”, por nuk ia doli mbanë. Goli i fitores u shënua në minutën e 53′ nga Nelsson. 20-vjeçari u gjend në vendin e duhur dhe momentin e duhur për të dërguar topin në rrjetë.
Ndeshja vijoi të ishte e luftuar, por në fund asnjë nga ekipet nuk ia doli të dërgonte topin në rrjetë. Granit Xhaka u preferua sërish titullar nga Arteta, që po i jep shumë besim mesfushorit. Londinezët nuk kanë zhvilluar një sezon të mirë deri tani dhe shpresojnë të shpëtojnë edicionin me fitimin e Kupës.
