Fernando Alonso ka përjashtuar mundësinë e një transferimi te Ferrari në vitin 2021. Piloti spanjoll, që debuton në garat Rally Dakar 2020, u shpreh se te makina italiane ka ide të qarta për të ardhmen dhe se ai nuk bën pjesë në to.
“Nuk kam biseduar me Ferrarin. Rrugëtimi im i parë me ata ishte shumë i bukur, por nuk është koha për të hipotizuar një rikthim te Ferrari”, u shpreh Alonso.
Spanjolli u shpreh më tej: “Është e qartë që basti i tyre për të ardhmen është Charles Leclerc dhe tek ai kanë investuar gjithçka, ndaj nuk shkoj të bëhem pilot i dytë. Më tej, duhet parë nëse Ferrari do të jetë kompetitiv vitin 2021, me rregullat e reja. Të shohim”.
