Tirana do të luajë të mërkurën në transfertë ndeshjen e Kupës përballë Kastriotit dhe në fundjavë do të presë Teutën në kryeqytet.
Për ndeshjen e javës së 20-të, bardheblutë dje kanë bërë një sondazh në rrjetet sociale duke kërkuar mendimin e tifozëve nëse duhet të luajnë në “Selman Stërmasi” apo “Air Albania”.
Nga ana tjetër ditën e sotme, përmes një postimi në “Facebook”, ka reaguar tifo-grupi “Tirona Fanatics”, që nuk është dakord që ndeshja të luhet në “Air Albania”.
“Shtepia jonë është Selman Stermasi…Ne nuk jemi qeraxhinj, e as nuk kemi nevojë të luajmë 1 javë këtu e 1 javë atje… Përveç derbit që kalon kapacitetin e stadiumit tonë, të gjitha ndeshjet e tjera janë mëse të përshtatshme të luhen ne SS, debatet e tjera janë mëse të kota”, shkruhet në postimin në “Facebook”.
