Manchester United ka mposhtur 1-0 Wolves duke avancuar më tej në kompeticonin më të vjetër europian, FA Cup.
Djajtë e Kuq kishin një ndeshje të vështirë përpara, por falë golit të Juan Mata kanë dalë fitimtarë.
Megjithatë, triumfi ndaj Wolves në Old Trafford ka ardhur me një çmim, ylli i ekipit Marcus Rashford ka dalë nga loja i dëmtuar vetëm çerek ore pasi ishte futur në fushë si zëvendësues.
Sulmuesi i përfaqësueses angleze u aktivizua nga Solskjaer në pjesën e dytë, por duhet të dilte i dëmtuar pak më pas.
