Rikardo Rodrigez me shumë mundësi do të largohet nga Milani në këtë sension merkatoje, teksa e ardhmja e tij pritet të jetë te Fenerbahçe ose PSV.
Pikërisht janë këto dy klube që dëshirojnë me çdo kusht shërbimet e futbollistit, i cili ka vendosur të ndryshojë ambient. Në këtë situatë, drejtuesit kuqezi kanë filluar të mendojnë edhe për zëvendësuesin e tij, të cilin duket se e kanë gjetur.
Sipas asaj që shkruan “Calciomercato”, te Milani po mendojnë të rikthejnë në ekip, Diego Laksalt, i cili në merkaton e verës kaloi në formën e huazimit te Torino. 
Uruguaiani ka gjetur shumë pak hapësira aty dhe për këtë arsye pritet të kthehet te kuqezinjtë, madje që në janar.
