Një nga bashkëbisedimet motivuese të Pep Guardiolës me lojtarët e tij, para një ndeshjeje, tregon mënyrën e punës së trajnerit katalanas, tashmë në stolin e Manchester City. Viedo është shkëputur nga dokumentari “Amazon Prime”, që përmban momente të ndryshme nga “qytetarët”, në krye të të cilëve Guardiola u vu para dy sezonesh. Në sezonin e parë doli duarbosh, ndërsa në sezonin e shkuar ia doli të fitojë titullin në Premier League. Pep Guardiola shihet duke i thënë skuadrës së tij se “dallimi i vetëm mes Real Madridit, Barcelonës dhe nesh është se ata i besojnë si dreqi vetes”.
Pep Guardiola to his squad “The only difference between Madrid, Barcelona, and us, is that they are f*cking believers” pic.twitter.com/KvAp08X3Kl
— Gilles (@GrimandiTweets) August 17, 2018
Në një moment tjetër, po në të njëjtin pozicion, trajneri katalanas iu thotë lojtarëve të tij: “16 pikë përpara? A jeni lodhur? F**k You”. Bëhet fjalë për në fillim të marsit, pas një fitoreje mbi Arsenalin, kur “qytetarët” e panë veten 16 pikë të qarta në krye të renditjes dhe u “kyçën” nën titullin e tyre të tretë të Premier League. Marzhi i tyre për gabime ishte i vogël, por siç shihet në dokumentarin e ri të “Amazon Prime”, të titulluar “All or Nothing”, spanjolli nuk do të lejonte asnjë vend për vetëkënaqësi përpara dy ndeshjeve kundër Chelsea dhe Stoke City.
