Antuan Grizman gjeti në ndeshjen e 11-të golin e parë në karrierë përballë Atletikos së Madridit, ish-skuadrës së tij.
Por edhe pse me atë të realizuar në minutën e 63-të francezi i dha avantazhin Barçës, në fund nuk mjaftoi që katalanasit të meritonin finalen. “Nuk di ta shpjegoj këtë humbje nga ana jonë, në një ndeshje që e dominuam në 90 për qind të kohës, – nënvizon Grizman, pas fundit të takimit.
Bëmë disa gabime shumë të vogla në minutat finale: një gabim i shkurtër pasim për Umtitin, një top i humbur në mesfushë, vogëlsira, por që në nivele të tilla të kushtojnë ndeshjen, madje edhe kampionatin apo akoma më shumë edhe një ndeshje me eliminim direkt në Ligën e Kampioneve. Duhet të bëjmë një analizë pas kësaj disfate, pasi gabime të tilla te Barça nuk mund të tolerohen”, tha francezi.