Është mbyllur miqësorja e parë e Partizanit në tokën turke, teksa janë mposhtur me rezultatin 1-0 ndaj gjigandëve të Trabzonsporit.
Pjesa e parë foli më shumë për turqit, të cilët kishin disa raste shënimi, teksa realizuan edhe golin e vetëm të ndeshjes. Ishte Sorloth, i cili realizoi për ekipin turk në minutën e 22’.
Me këtë rezultat u mbyll pjesa e parë, ndërsa e dyta nisi me të kuqtë në sulm.
Ekipi i Sormanit e dominoi të gjithë pjesën e dytë, ku kërkoi vazhdimisht golin, por pa sukses me Trabzonsporin që u treguan të kujdesshëm në prapavijë. Partizani dhuroi një paraqitje deri diku të mirë, duke pasur parasysh edhe kundërshtarin që kishin përballë.
