Shkodran Mustafi nuk po kalon një moment shumë të mirë me Arsenalin, me të cilët ka gjetur shumë pak minuta në dispozicion.
Sipas asaj që shkruan “The Mirror”, mbrojtësi nuk është aspak i lumtur me këtë situatë dhe ka vendosur të largohet nga “Topçinjtë”.
Mustafi ka zhvilluar vetëm 3 ndeshje me Arsenalin këtë sezon, dhe për këtë arsye po kërkon një skuadër ku mund të gjente më shumë minuta.
Lojtari luan në Premier Ligë që nga viti 2016, ku kaloi nga Valencia, por tani duket se ka vendosur të largohet.
