Ndonëse prej kohësh flitej se ishte shumë afër kalimit te Interi, ditën e djeshme talenti suedez, Dejan Kulusevski u zyrtarizua si lojtari i Juventusit.
Menjëherë pas zyrtarizimit, futbollisti është shfaqur shumë i lumtur, që do të ketë mundësinë të luajë për kampionët e Italisë.
Në intervistën e parë si lojtari i bardhezinjve 19-vjeçari u shpreh: “Jam shumë i lumtur, 2020-ta nuk mund të fillonte më mirë se kaq.
Është dita më e rëndësishme për mua, shokët, familjen dhe të gjithë që kanë punuar me mua.
S’kam menduar dy herë kur kam pranuar ofertën, mund t’i them tifozëve të Juves se do të jap maksimumin kur të arrijë në korrik, do të japë gjithcka për këtë fanellë.”, u shpreh Kulusevski.
