Trajneri i Teutës, Edi Martini ishte i pakënaqur me skuadrën e tij dhe humbjen ndaj Laçit. Ai shprehet se ekipi ishte përgatitur të luante me Kulibalinë, por kjo gjë nuk u bë e mundur. Për mikrofonin e “Supersport”, ai u shpreh se nuk kishte justifikime për këtë humbje.
Humbja? “Ishte detyrim fitorja, edhe pse kishim Laçin përballë. Laçi e meritoi fitoren, dhe padyshim që jam i zhgënjyer”.
Pa sulmuesit? “Normalisht që ishim përgatitur që Kulibali të ishte në fushën e lojës. Dhe lojtarët që nuk ishin programuar për të luajtur u gjendën të papërgatitur, por ky nuk është një jusftifikim. Kemi bërë tre afrime në sulm (Kulibali, Hepaj e Kruja), por sot nuk ishin të mundur që të luanin. Ishte e pamundur që sot të federoheshin. Them se e kemi zgjidhur problemin, por pres që të ketë dhe disa përmirësime”.
Ju penalizoi ndërpreja e kampionatit? “Do të ishte mirë të vazhdonim pa ndërprerje, pasi kishim moralin lart, por janë gjëra që nuk janë në dorën tonë. Duhet të shohim përpara”.