Juventusi ka mposhtur 4-0 Cagliari-n pasditen e së hënës dhe trajneri Maurizio Sarri ka mbetur tepër i kënaqur me dominimin e ekipit të tij.
Duke folur për Sky Sports, Sarri i ka thurur elozhe skuadrës për një paraqitje “precize”.
“Sot ishim më precizë dhe më të disiplinuar. Në ndeshjet e mëparshme kemi luajtur mirë, por kualiteti ynë shfaqej vetëm në momente. Megjithatë, sot ishte gjatë gjithë ndeshjes dhe për këtë jam i kënaqur.
Ramsey bëri një ndeshje të mirë, ai po luan rregullisht dhe po tregon talentin që zotëron. Ai bëri një ndeshje ekselence në prapavijë. Edhe Rabiot ishte gjithmonë në pozicionin e duhur dhe jam i lumtur për këtë.
Ronaldo është në formën më të mirë. Gjuri është shëruar kështu që edhe mendërisht është më i qetë.”
