Zlatan Ibrahimoviç nuk ka asnjë dyshim se është i lumtur që është kthyer te Milani.
Sulmuesi suedez tha fjalët e parë si lojtar i Milanit porsa zbriti me avion privat në Itali.
“E rëndësishme është që jam këtu. Jam tejet i gëzuar dhe i ekzaltuar. E kam thënë gjithmonë se kjo është shtëpia ime. Më në fund jam këtu. Kam luajtur për shumë ekipe të tjera, por tani jam në Milano dhe kjo ka rëndësi”, u shpreh 38-vjeçari.
Kjo do të jetë aventura e tij e dytë me Milanin pas eksperiencës në sezonet 2010-2012 me “Djallin”. Ai është nisur drejt selisë së klubit kuqezi për të kryer vizitat mjekësore dhe për t’u prezantuar si lojtari më i ri i Milanit.
