Mesfushori i Juventusit Sami Khedira është rikthyer në stërvitje me ekipin bardhezi pas një mungese prej më shumë se një muaji. Futbollisti gjerman e dha lajmin në profilin e tij në “Instagram”, ku shpreh gëzimin për ribashkimin me ekipin.
Por, stafi mjekësor i kampionëve të Italisë nuk mund të japë një datë të saktë se kur 31-vjeçari mund të luajë për shkak të një operacioni të kryer në gju dhe sipas proçesit të rikuperimit fizik, Khedira mund të hidhet në fushë në periudhën fund i muajit shkurt dhe fillim i marsit. Trajneri Mauricio Sarri shpreson që ta ketë lojtarin në dispozicion për ndeshjet e Ligës së Kampioneve.
