Real Madridi afroi me bujë në merkaton e verës Eden Hazard. Belgu nuk ka luajtur shumë këtë sezon dhe kontributi i tij nuk ka qenë ai që pritej. Sulmuesi u prek shumë nga dëmtimet, ndërsa mungon prej nëntorit.
Dëmtimi i tij ka shqetësuar jo pak drejtuesit spanjoll, ndërsa më në fund ka një datë për rikthimin e tij. Mediet spanjolle bëjnë me dije se 29-vjeçari pritet të rikthehet gati për ndeshjen derbi ndaj Atletico Madridit. Takim ky shumë i rëndësishëm që do të luhet më 1 shkurt.
Zidane e pret me padurim rikthimin e lojtarit, pasi do të ketë një armë më shumë në sulm. Francezi nuk po vuan, por gjithsesi dihen vlerat e Hazard dhe cilësisë që rrit në skuadër. Telesport
