Pepe Reina u largua nga Milani këtë merkato janari, teksa kaloi te anglezët e Aston Vilës, në mënyrë që të ketë më shumë minuta në dispozicion.
Spanjolli së fundmi është rikthyer të flasë për kalimin te Milani, para dy sezonesh.
Portieri ka treguar një paraskenë, ku thotë së kaloi te kuqezinjtë për të zëvendësuar Donarumën, i cili do të shitej atëherë. “ Kam nënshkruar me Milani sepse Donaruma duhej të shitej, por në fund çdo gjë ndryshoi dhe ai qëndroi te ne.
Unë kam bërë të pamundurën për ta ndihmuar atë të rritet. Milani ka pak vështirësi tani, por ata do të rikthehen përsëri në nivelet e larta.”, u shpreh Reina.
