Juventusi është rikthyer te fitorja dhe përsëri kryeson i vetëm në renditjen e Serie A, me një pikë përpara Lazio dhe tre të tilla karshi Interit. Dje, Cristiano Ronaldo nuk luajti kundër Brescia. Sulmuesit bardhezi iu dha një moment pushimi, por do të jetë në dispozicion të trajnerit Sarri si për ndeshjen kundër Spal, ashtu edhe për sfidën e Ligës së Kampionëve kundër Lyon, të planifikuar për të mërkurën e 26 shkurtit. Ndërsa bardhezinjtë po luftojnë për formën më të mirë, Ronaldo është i papërmbajtshëm.
Kampioni portugez, i cili shënon pandërprerë, që nga ndeshja kundër Sassuolo, e luajtur më 1 dhjetor, ka vendosur një rekord të ri me “Zonjën e Vjetër”. Ai ka shënuar në dhjetë ndeshje radhazi të Serie A dhe ka fituar epërsi në këtë drejtim, në historinë e Juventusit. Sulmuesi i fundit, që e ka pasur këtë ecuri finalizimi pa ndërprerje ishte David Trezeguet, me 9 gola në 9 ndeshje. Këtu janë të gjitha golat e shënuar nga Ronaldo në 10 ndeshjet e fundit të kampionatit italian:
