Milani ngeci në barazim 1-1 mbrëmjen e kaluar ndaj Fiorentinës. Ishte një barazim i mbushur me shumë polemika për shkak të arbitrimit dhe 11-metërshit të akorduar në minutat e fundit për Fiorentinën, që solli edhe barazimin.
Menjëherë pas 11-metërshit të shënuar nga vendasit, një ndër lojtarët më të revoltuar ishte Theo Hernandez. Pikërisht ky i fundit ka reaguar ditën e sotme në Twitter me një mesazh mjaft domethënës. Mbrojtësi ka postuar një foto me Ibrahimovic ku shkruan: “Duhet të ngrihemi më të fortë!”
