Zlatan Ibrahimoviç ndonëse është në një moshë relativisht të madhe, përsëri është duke i dhënë shumë Milanit.
Që nga afrimi i sulmuesit suedez, kuqezinjtë kanë regjistruar disa rezultate pozitive dhe kanë treguar një lojë gjithmonë në rritje, aq sa në disa ndeshje me ekipet e mëdha si Interi dhe Juventusi kanë qenë dominues në fushë.
Megjithatë sipas asaj që shkruan “La Gazzetta dello Sport”, 38-vjeçari është në përfundim të karrierës së tij dhe shumë shpejt pritet të deklarojë tërheqjen nga futbolli. Gjithsesi sipas raportit të sipër përmendur, ekziston mundësia që Ibra të vazhdojë të jetë pjesë e Milanit, por jo si lojtar. 
Thuhet se sulmuesi mund të vazhdojë te “Djalli”, por në rolin e drejtuesit, teksa mund të marrë një rol në stafin drejtues.
