Ansu Fati bën “bomerin” e Barcelonës në takimin me Levanten, që përmbylli javën e 22-të të Primera Division. Talenti 17-vjeçar, i aktivizuar titullar për shkak të mungesës së Luiz Suarezit, shënoi dygolësh në fitoren 2-1 ndaj Levantes në “Camp Nou”.
Në të dy rastet, në minutat 31’ dhe 32’, pra brenda një kohe të shkurtër, Ansu Fati u shërbye nga Leo Messi, duke e dërguar topin poshtë këmbëve të portierit Abarisketa.
Dominimin në fushë futbollistët katalanë nuk e përkthyen në gola të tjerë, madje në kohën shtesë Ruben Rochina shkarkoi të djathtën nga jashtë zonës dhe i ndihmuar edhe nga një devijim i lehtë mposhtë portierin ter Stegen. Një gol që shërbeu vetëm për statistike, sepse pak sekonda më vonë kryesori vërshëlleu për përfundimin e takimit.
