Edhe pse u tha për një interesim të lartë për ndeshjen Tirana-Teuta, zyrtarisht janë shitur vetëm 5585 bileta. Në fakt, stadiumi ka pasur goxha tifozë në krahasim me takimet e tjera.
Më pak se 6 mijë tifozë të pranishëm në stadiumin e ri kombëtar për të ndjekur kryendeshjen e mbrëmshme. Edhe pse pati një pakënaqësi nga ana e tifozëve të Tiranës në lidhje me ndryshimin e stadiumit, pjesëmarrja dukej e kënaqshme.
Presidenti Refik Halili pranoi se shumë shpejt do të zhvillohet një ndeshje pa para për të shlyer shumën që tifozët paguan për sfidën Tirana-Teuta. Bardheblutë do të luajnë gjithashtu me Kukësin dhe Partizanin në “Air Albania”.