“Golden Boy” është një çmim që vlerëson çdo vit lojtarin e ri më të mirë të sezonit. Talente të shumta në garë për vlerësimin prestigjioz, i cili për këtë vit kalendarik i është dhënë Zhoao Feliksit i cili gjatë verës së kaluar u ble nga Atletiko e Madridit për 120 milionë euro te Benfika.
Portugezi ka marrë 332 vota dhe është renditur i parë, teksa pas tij, me 162 vota largësi Sanço i Dortmundit. Podiumi është mbyllur me gjermanin Kai Haverc i cili ka marrë vlerësimin e vetëm 75 votuesve.
Juventini De Ligt vjen menjëherë pas tyre, teksa në renditjen e 17 talenteve është përfshirë edhe Haland i Salcburgut, me norvegjezin që po habit Europën mbarë me paraqitjen e tij.
Pas Fati të Barcelonës dhe Fodenit të Sitit, renditet i teti Xhanluixhi Donaruma, i cili për të tretin vit radhazi përfshihet në dhjetëshen e më të mirëve për çmimin “Golden Boy”.