Stuhia nuk ka të ndalur te PSG-ja. Dy ditë pas humbjes në Ligën e Kampionëve, kundër Dortmundit, Mauro Ikardi, Di Maria dhe Kavani, me shumë miq të tjerë, kanë kërcyer dhe janë argëtuar deri në të gdhirë për festën e trefishtë të ditëlindjeve së tyre.
Një festë që vazhdoi deri në orët e para të mëngjesit, mes birrës dhe muzikës latine, zemëroi dhe inatosi trajnerin Tomas Tuhel.
Videot dolën shumë shpejt në profilet e rrjeteve sociale të lojtarëve dhe të të ftuarve, gjithashtu edhe nga Vanda Nara. Padyshim që kjo festë ka inatosur trajnerin dhe tifozët e skuadrës, të cilët ende nuk kanë harruar humbjen në Gjermani.
Në fillim të këtij muaj ishte Nejmar që organizoi një festë të madhe 48 orë para një ndeshje kampionati duke “minuar” ambientin te skuadra pariziene.