Odise Roshi premton se këtë sezon do të jetë më aktiv se kurrë me skuadrën ruse të Akhmat Groznit.
28-vjeçari shënoi në fitoren 2-1 të skuadrës së tij kundër sllovenëve të Muras gjatë fazës përgatitore që Akhmat po zhvillon në Turqi.
Anësori kuqezi goditi fuqishëm nga një pozicion thuajse 180 gradë duke dërguar topin brenda në rrjetë.
Skuadra e Roshit do të zhvillojë një tjetër test miqësor në datën 6 shkurt kundër Ludogoretsit, ndërsa rikthehen në kampionat në datën 29 shkurt kundër Rostovit.
