Napoli ka bërë një provë force duke përmbysur Breshan në transfertë dhe është rikthyer në zonën e Kupave të Europës në Serinë A, por ndërkohë sfida e të martës kundër Barcelonës afron dhe për trajnerin Xhenaro Gatuzo do të jenë net të bardha, pasi, siç thotë ai vetë, ka shumë punë për të bërë.
“Përpara ndeshjeve si kjo me Barcelonën unë nuk fle kurrë. S’e bëja kur isha futbollist, por tani kur je trajner qenka dyfish më e vështirë. Napoli im pa dyshim që do të luajë me të gjitha armët që ka dhe më pas të vendosim se çfarë do të ndodhë, por nuk dua të dëgjoj absolutisht asnjë se Barça nuk është në një moment të mirë apo gjëra të tilla, sepse kështu do të tallnim veten”.
