Braziliani Reinier është prezantuar ditën e sotme si lojtari i ri i Real Madrid. 18-vjeçari është shfaqur shumë i emocionuar dhe në përgjigjen e njërës prej pyetjeve të gazetarëve ka shpërthyer në lot.
Reinier u pyet se si është ndjerë në momentin që shihte familjarët e tij në “Bernabeu” duke parë prezantimin e tij. Djaloshi e ndërpreu dy herë fjalën e tij, pasi shpërtheu në lot, teksa u shpreh se për çdo gjë i detyrohej familjes.
“Më ka kaluar në mendje e gjithë fëmijëria ime. Ishte shumë e vështirë në atë kohë, pasi shkuam në Rio de Janeiro vetëm. Isha vetëm me babain dhe pa mamanë dhe motrat e mia. Kur bëhet fjalë për familjen time gjithmonë emocionohem shumë, pasi çdo gjë e kam arritur falë tyre dhe prandaj i falënderoj pafundësisht. Jo vetëm ata, por edhe të tjerët në Brazil, sidomos gjyshërit e mi.”
😢👏 REINIER SE DERRUMBA tras la pregunta de @JLSanchez78:
“Se lo debo todo a mi familia”. #JUGONES pic.twitter.com/F1J7Jx71rN
— El Chiringuito TV (@elchiringuitotv) February 18, 2020