Juventus duket se po përqendrohet te talentet e rinj tashmë dhe i pari në listën e bardhezinjvë është emri i Kaio Jorge. Ky i fundit është padyshim lojtari më premtues i Brazilit, teksa udhëhoqi Kombëtaren e tij në triumfin e Botërorit U17, duke shënuar 5 gola.
Kaio Jorge krahasohet me Neymar dhe është vetëm 17 vjeç. Sulmuesi luan për Santosin dhe ka qenë pikërisht presidenti i klubit brazilian që ka pranuar kontaktet me Juventusin dhe se marrëveshja mund të mbyllet shpejt.
Sipas asaj që thotë numri një i klubit të Santos, Kaio Jorge mund të kalojë te Juventus për 30 milionë euro. Padyshim, nëse operacioni finalizohet me sukses do të jetë një goditje e madhe e bardhezinjve.
