Portieri i Milanit, Gianluigi Donnarumma, ka folur për karrierën e tij në portën e kuqezinjëve. Djaloshi italian ka bërë mirë dhe në një intervistë të gjatë për Rivista Undici ka treguar se ka qenë gjithmonë ëndrra e tij të qëndronte në portë.
“Pasioni im ka qenë gjithmonë të qëndroj si portier. Gjërat në këtë rol janë gjithmonë me adrenalinë. Kujtimi më i bukur është ndeshja e parë derbi kundër Interit, nuk kisha mbushur ende 17 vjeç.
“Ka më shumë emocione në ndeshje të tilla, adrenalina është e madhe, zemra të ndahet në 2 mijë pjesë. Dua t’i luaj, dua t’i fitoj”.
Ai ka folur dhe për vitin 2017 kur kishte tifozët kundër. “Është e vështirë të luash kur ke tifozët kundër, kur ata të vërshëllejnë. San Siro është San Siro… por kurrë nuk kam pasur frikë. E di kush jam dhe e di se çfarë mund të bëj. Zero frikë”, – tha Donnaruamma. Telesport
