Situata e emergjencës si shkak i koronavirusit detyron të gjithë të vetëizolohen dhe futbollistët janë ata të cilët në këtë moment e kanë të pamundur të stërviten si duan por edhe te qarkullojnë duke pasur pak kohë në dispozicion në ditët e pushimit.
Sidomos në Itali, aty ku futbolli vështirësisht do të rinisë. Antonio Candreva ka familjen e tij në Romë, ndërsa vetë është në Milano i vetëkarantinuar dhe nuk mund të lëvizë. Në një prononcim për “Sky”, futbollisti i Interit u shpreh se “ndihem shumë keq që nuk mund të lëviz dhe të shkoj në takoj familjen time në Romë. Eshtë e pamundur. Vuaj jashtë mase, për tim atë, i cili ka 1 vit që është i sëmurë. Do të doja ta përqafoja si dikur…”.
